Friday, October 7, 2022

Sorongon Nagpahayag Nga Mas Delikado Ang Delta Variant Sang Covid-19

- Advertisement -

Makalalaton kag mas madasig nga maglaton ang Delta variant sang COVID-19. Ini ang paglaragway ni Doctor Chris Sorongon, medical data and analysis sang syudad sang Bacolod angut sa bag-o nga variant sang COVID-19.

Suno pa diri, mas delikado kag mas madasig mapasa ang delta variant kun ikumparar sa una nga mga COVID-19 variant.

Bangud sa na rekord nga mga local cases sang Delta variant sa pungsod ilabi na sa Western Visayas, nagpatuman sang istrikto nga travel restriction ang Bacolod, agud mapunggan ang posible nga pagsulod sang virus sa syudad.

- Advertisement -

Ginsiling man ni Sorongon, nga ang simtomas sang orihinal nga COVID-19 ang indi pareho sa bag-o nga Delta variant.

Apang ang pagpabakuna kag pagsunod sa safety health protocols ang mga paamagi nga kinahanglan sundon agud malikawan ang paglaton sang nasambit nga variant sang virus.

Ginpasiguro naman ni Sorongon nga apisar sang malaba nga mga pila sa mga vaccination centers, hugot nga ginapaimplementar sa gihapon ang pagsuksok sang facemask, face shield kag social distancing.

- Advertisement -
Jinn Siatita
Jinn Siatita
Jinn Siatita, a radio reporter and a news writer in one of the local FM radio stations in Bacolod. Honed by the best and molded by experts.

Related Articles

Leave a Reply

Stay Connected

- Advertisement -

Latest Articles