Sa tunga sang mga report sang ginapatihan Chinese surveillance balloon nga ginpalupad sa United States, ginpahayag sang defense analyst kahapon nga adlaw sang Domingo nga nasiplatan ang posible “spy balloon’ sa Pilipinas sadtong 2022.
Ini man ang ginsiling ni International studies Professor sa De La Salle University nga si Dr. Renato De Castro matapos gin-guba sang US military fighter aircraft gamit sang missile ang ginapatihan Chinese spy balloon sa dagat sa South Carolina sadtong Sabado nga adlaw.
Ginkondenar sang China ang military strike kag ginsiling nga gina-gamit ang airship para sa meteorological kag iban pa nga scientific purposes.
“Tandaan natin na nakakita rin tayo ng pictures nu’n [suspected spy balloon] sa Pangasinan at sa Baguio,” pahayag ni De Castro.
“Nili-link ko rin ‘to sa mga reports ng Philippine Air Force na may mga unidentified aircraft na pumasok sa Pangasinan mula Bolinao,” dugang pa ni De Castro.
Apang, ginsiling naman ni Armed Forces of the Philippines spokesperson Colonel Medel Aguilar nga ini ang “unconfirmed reports.”
Base sa isa ka video, isa ka residente sang Natividad, Pangasinan ang nagsiling nga nakakita siya sang misteryoso nga aircraft sadtong December 18.
Ginsiling man sang Pangasinan Youth for Disaster Risk Reduction and Management nga nasiplatan nila ang aircraft sa nagkalain-lain nga bahin sang probinsya.
Nakit-an man ang unidentified flying object sa Loakan Airport sa Baguio City.
Ginsiling sang senior US defense official nga nasiplatan ang Chinese balloons sa nagkalain-lain nga pungsod sa lima ka kontinente kalakip na ang East Asia, South Asia, kag Europe, sa nakaligad nga pila ka tuig, base sa report sang Reuters.
Dahil sa isyu sini, napilitan si US Secretary of State Antony Blinken nga kanselahon ang iya pagbisita sa China karon nga semana.
Ini nga balita ginadul-ong sang:
