Igapaidalum ni Presidente Ferdinand “Bongbong” Marcos Jr. ang Sugar Regulatory Administration sa reorganization sini nga semana sa tunga sang isyu sa pag-import sang 300,000 metric tons sang kalamay.
“We are going to reorganize the SRA and as soon as that’s done — that should be done this week, before the end of this week,” suno kay Marcos Jr.
Tinalikdan nga semana, ginpahayag sang Malacañang nga “illegal” ang resolution nga maga-import sang 300,000 MT nga kalamay bangud gin-reject ini sang presidente.
Ang indi utorisado nga pagpirma sang Sugar Order No. 4 “on behalf” ni Marcos ang gina-imbestigaran na sa Kongreso kag Senado.
“Ipinaubaya namin ang imbestigasyon sa House, sa legislature and even the Senate. Dahil ang iniintindi ko lang talaga is that hindi tayo tumagal na mayroon tayong shortage ng sugar, lalong-lalo na para sa mga industrial consumer,” dugang pa sang Presidente.
Sang nagligad man nga semana, nag-resign si Department of Agriculture Undersecretary Leocadio Sebastian matapos permahan ang SRA order “on behalf” sang Presidente.
Ang isa pa gid nga nagpirma nga si SRA board member Roland Beltran ang nagpanaug man sa pwesto sang Domingo.*
