Luyag ipasiguro sang gobyerno nga insakto ang presyo sang kalamay nga ginabakal sang publiko.
Gani antis ang bulan sang Nobyembre, posible nga ipatuman na ang Suggested Retail Price okon SRP sa kalamay.
Ginpalayag sang Department of Agriculure (DA), nga ginabalanse pa sa karon sang gobyerno ang interes sang mga local producers, importers kag mga bumalakal.
Pabor naman sa SRP ang United Sugar Producers Federation.
Suno kay United Sugar Producers Federation President Manolet Lamata, masobra na sa 200,000 metric tons sang kalamay ang na produce sa “local harvest”.
Sang tinalikdan nga mga binulan, naglab-ot sa P100.00 kada kilo ang presyo sang kalamay, bangud sang kakulang sa suplay sa Pilipinas.
Apang, ginpilit sang mga local producers nga temporaryo lamang ang pagsaka sang presyo sang kalamay sa pungsod.
