Naghinugyaw ang staff sang “It’s Showtime” matapos gin-anunsyo sang host nga si Vice Ganda nga siya ang magahatag sang P300,000 nga early Christmas bonus sa ila.
Nagpasalamat si Vice sa tanan nga staff, nangayo sang pasaylo sa mga misunderstandings sa set kag ginsurpresa sila sang isa ka announcement matapos ang “Magpasikat” performance sang ila team sadtong Huwebes, Nobyembre 17.
Una, namangkot si Vice kung pila ang staff sang programa bangud iya nadumduman sang sadtong sugod sang pandemic, nag-dyutay sila.
May nag-sabat kay Vice nga 300 ang tanan nga staff sang “It’s Showtime.”
“Mamaya, P300,000 para sa inyo, pang-early Christmas bonus!” suno kay Vice.
Sadtong tinalikdan nga Mayo, nanghatag man si Vice sang tig-P5,000 nga cash sa 130 nga staff sang Showtime.*
