Stockroom nangin manami nga classroom sa Negros Oriental

Na-impress ang mga netizens sa total makeover sang isa ka stockroom nga karon ginagamit na bilang isa ka classroom.

Makit-an ang dako nga pagbag-o sang lugar sa “Before and After” nga mga laragway sa Facebook post ni Thessalyn Samson, isa ka manunudlo sa Tanjay, Negros Oriental.

Suno kay Samson, bangud sa kakulang sang mga classrooms, wala ini choice kundi gamiton ang amo nga stockroom.

Gani, iya gingamit ang iya kaugalingon nga kwarta para sa nasambit nga makeover.

Dugang pa niya, “challenging” ini sa una apang responsibilidad niya bilang manunudlo nga mahatag ang “best” para sa mga estudyante.*