Update: “Tita Inday, Sorry kung nahimo ko ini kay indi ko gusto mabudlayan kamo ugtas sa akon. I love you always. Love, Dandan.”
Ini ang nakasulat sa suicide note nga nakuha sa bulsa sang biktima nga gindala sa hospital matapos ini naglumpat sa ika-apat nga panalgan sang isa ka mall sa Bacolod City nga gindeklarar nga dead on arrival sang attending physician.Samtang, posible problema sa pamilya ang rason kung nga-a naglumpat ang biktima nga naga edad 20 anyos pasaka nga taga Purok Nami-nami, Barangay Sum-ag, base sa palayag sang pakaisa sang biktima.Palayag ni Lieutenant Joven Mogato, Office-in-Charge sang Police Station 2, may pangalan ang biktima apang indi pa ini makumpirmar bangod wala pa sang immediate family nga nagpakita sa ila.
Nahibaluan nga nabutang man sa letter ang password sang cellphone sang biktima.
Sa imbestigasyon sang kapulisan, antes pa man naglumpat ang biktima, madamo na sang nakakita sa iya nga nagabalik-balik sa 3rd kag 4th floor sang mall sang hinali nalang may naghugpaas paidalom.
Ang bangkay sang biktima ang yara pa sa morgue sang Corazon Locsin Montelibano Momorial Hospital.Sa karon, padayon pa ang imbestigasyon sang kapulisan angot sa nagluntad nga insidente.
With reports from Jinn Siatita
