Nangin makalolooy ang nadangtan sang Overseas Filipino Worker (OFW) nga si Jullebee Ranara matapos nga ginpatay kag ginsunog sa pungsod Kuwait.
Nasapwan ang bangkay ni Ranara sa disyerto kag naaresto na ang suspek sa kremin nga anak sang iya amo.
Ginpasiguro sang Department of Migrant Worker (DMW) sini nga lunes, nga ila himuon ang tanan agud mahatagan sang hustisya ang kamatayon ni Ranara.
Nasapwan ang bangkay ni OFW, domingo nga adlaw kag ginbisita na ni DMW secretary Susan Ople ang pamilya sang biktima.
Nangako si Ople nga buligan ang pamilya ni Ranara.
Sa karon, ginahulat na lamang sang DMW ang report sang mga otoridad sa Kuwait angut sa insidente.
Kapin sa 400 pa ka mga OFWs ang nagatiner sa shelter sang Pilipinas sa pungsod Kuwait kag kalabanan sa ila ang nagpalagyo sa amo.
Target sang Department of Migrant Workers nga ibalik sa Pilipinas ang mga distressed OFWs sa katapusan sang Enero.*
