Suspek nga imbolbado sa stabbing incident sa banwa sang Isabela, nagsungka na

NEGROS OCCIDENTAL– Nagsungka na ang suspek nga imbolbado sa stabbing incident nga nagluntad kahapon sang Huwebes, Pebrero 2 sa banwa sang Isabela.

Ginkilala ang suspek kay Antonio Lindayao, residente sang Barangay 9, Isabela.

Takna las-5:00 kahapon sang hapon, Pebrero 2, naglakat si Lindayao kaupod ang iya himata nga isa ka kagawad sa Canlaon City Police Station agud magsungka.

Suno kay Police Captain Ar-Jay Dangarang, hepe sang Isabela Police Station, nahadlok si Lindayao magsungka sa Isabela PNP kag didto naglakat sa Canlaon.

Sa subong, nagapadayon naman ang pagpasaka sang kaso nga “frustrated homicide” sa suspek.

Apang ang biktima nga si Sarry Sarimong, ang istable na ang kondisyon sa ospital.*