BACOLOD CITY– Arestado ang isa ka lalaki matapos nagpanago sang masobra 30 ka tuig sa San Juan, La Union.
Gin-aresto ang 47-anyos nga lalaki sang National Capital Region Police Office (NCRPO) matapos wanted sa kaso nga pagpatay sadtong 1991 sa Nueva Ecija.
Nadakpan ang suspek bangud gintudlo ini sang isa ka pulis patrolman nga saksi sa nasambit nga pagpatay sadtong tion.
Ginkilala ang suspek bilang Top 1 wanted sa NCRPO nga may padya nga Php150,000 halin sa Department of National Defense kag Department of the Interior and Local Government.
Suno sa mga otoridad nakapanago ang suspek bangud ginalain-lain sini niya ang iya pangalan.
Apisar sa pagpatay, may kaso man ang suspek sa pagpangawat kag pisikal nga pagpanakit.
Nakahunong naman karon ang suspek sa Camp Bagong Diwa sa Taguig.*
