Monday, September 26, 2022

Suspek Sa Pagbuno Sa Banwa sang Isabela, Nadakpan Na!

- Advertisement -

Isabela, Negros Occidental—Nadakpan na sini nga aga, Hunyo 19 ang suspek sa pagpamuno sa isa ka lalaki alas 7:04 kagab-e, Hunyo 18 sa Hacienda Enriquita, Brgy. Tinongan sa banwa sang Isabela.

Photo from Radyo Bandera correspondent


Ang biktima ginkilala kay Rolly Solano y Tanciano, 46-anyos, residente sang amo nga lugar.

Photo from Radyo Bandera correspondent


Samtang, ang suspek ginkilala kay Mark Palma y Ferrer, 38-anyos.

- Advertisement -


Base sa imbestigasyon sang kapulisan, may nagluntad nga paglalisanay sa suspek kag biktima sa diin, wala ginpasgutan ni Rolly si Mark nga mag-agi sa main gate sang ila compound kag gintudlo sa isa ka gate.


Apang, hinali nalang naakig ang suspek kag ginbuno ang biktima gamit ang “home-made pointed steel tube” nga nag-igo sa nagkalain-lain niya nga lawas.
Nahimo pa magpalagyo sang suspek apang nadakpan ini sang mga Barangay Tanod kaupod ang Barangay Kapitan kag gin-surrender sa Isabela PNP.

- Advertisement -
Coolen Cubia
Coolen Cubia
A newscaster and news writer in one of the Local Radio FM Stations in Negros Occidental. Graduated in University of Negros Occidental-Recoletos Bachelor of Science in Mass Communication.

Related Articles

Leave a Reply

Stay Connected

0FansLike
- Advertisement -

Latest Articles