Friday, March 29, 2024

SUSPEK SA PAGHIMULOS SA 10-ANYOS NGA BATA NGA BABAYI MALAPIT SA ILA PAMILYA KAG GINAKABIG NA SINI NGA IKADUHA NGA AMAY

- Advertisement -

Ginakabig na nga ikaduha nga amay sang 10-anyos nga bata nga babayi nga biktima sang pagpanghimulos ang suspetsado nga ila man lang tupad balay kag kaupod sang iya amay nga mananagat.

Not the actual Photo. For illustration purposes only

Suno kay Capt. Joseth Catonina, hepe sang EB Magalona PNP, ginakabig na nga pamilya sang ginikanan sang biktima ang 45-anyos nga suspetsado kag wala sila nagpinsar nga mahimo sini nga himuslan ang ila bata.

Posible suno kay Catonina naka inom sang gab-i ang suspek kag sang naglabay sang kaagahon ang biktima agud magpadulong sa kilid bay-bay agud kuntani mangayo sang isda sa bag-o dungka nga mga mananagat, gin-pasulod ini sang suspek sa iya balay didto ginhimo ang krimen.

- Advertisement -

Ginapahayag nga posible may ginsulod nga “foreign object” sa kinatawo sang bata bangud nagapalamula ang puwerta dangatsa sulod sang kinatawo sini kag kun basehan ang panaysayon sang biktima, ginsulod sang suspek ang iya “middle finger” sa kinatawo sini.

Nahibaluan, nga wala man nalakip sa drugs watchlist sang kapulisan ang suspetsado kag kailigbon ang ginalantaw rason sang kapulisan nga ginhimuslan sang suspek ang biktima.

Ginpasakaan sang kaso nga rape ang 45 anyos nga mananagat kag detinado na sa EB Magalona Police Station.

- Advertisement -
Jinn Siatita
Jinn Siatita
Jinn Siatita, a radio reporter and a news writer in one of the local FM radio stations in Bacolod. Honed by the best and molded by experts.

Related Articles

Leave a Reply

Stay Connected

33,995FansLike
9FollowersFollow
0SubscribersSubscribe
- Advertisement -

Latest Articles