Thursday, March 28, 2024

Suspek sa paglabo-patay sa nagakatulog nga mangunguma, nagsungka na; kaakig kag dumot, ginalantaw nga motibo sa krimen

- Advertisement -
The suspect Rasel Dela Peña who hacked and killed a farmer in the town of Hinigaran, surrendered to the police.*

NEGROS OCCIDENTAL – Nagsungka na ang suspetsado sa paglabo-patay sa nagakatulog nga mangunguma, Domingo sang gab-i, Setyembre 11 sa Purok Ipil-ipil, Barangay Calapi, banwa sang Hinigaran, Negros Occidental.

Ginkilala ang suspetsado kay Rasel Dela Peña, 27-anyos, isa ka tapasero kag nagapuyo sa banwa sang Hinobaan, Negros Occidental.

Samtang ang biktima amo si Alex Estrada, yara sa ligal nga pang-edaron, kasado, kag residente sang Brgy. Calapi, Hinigaran.

- Advertisement -

Boluntaryo nga nagsungka si Dela Peña sa Himamaylan City Police Station sini nga aga sang Lunes, Setyembre 12.

Sandig sa imbestigasyon sang mga kapulisan, kaakig kag dumot ang ginalantaw nga motibo sa krimen.

Pareho nga naga-ubra ang suspetsado kag biktima sa kampo nga ginapanag-iyahan sang kapitan sang Calapi.

Gina-alegar nga ginhagad ni Dela Peña ang bulag nga utod sang ila amo nga mag-inom kag ginsaway ini sang biktima.

Bangud diri, nagluntad ang komprontasyon sa tunga nila nga duha kag didto nagsugod ang kaakig kag dumot sang suspek sa biktima.

Madalom nga pilas sa nagkalain-lain nga parte sang lawas ang naagom sang biktima nga amo man ang gintunaan sang iya kamatayon,

Suno sa suspek, ginlabo ya samtang nagatalikod ang biktima kag nakadalagan pa kuno ini.

Apang suno naman sa police report, nagakatulog ang biktima sang ginlabo ini sang suspek.

Sa karon, padayon nga ginapangita ang kaupdanan sang suspek nga nagbulig sa iya hakwat sa bangkay sang biktima pagguha sa balay.*

- Advertisement -

Related Articles

Leave a Reply

Stay Connected

33,995FansLike
9FollowersFollow
0SubscribersSubscribe
- Advertisement -

Latest Articles