Nagpagwa ang Food and Drug Administration ukon FDA sang advisory sa publiko nga indi magbakal sang mga chichirya nga indi rehistrado sang ila nga ahensya.
Suno sa FDA Advisory No. 2021-1596, ginakabig nga Unregistered Food Products ang mga masunod:
1. WM Yumi Choco Balls
2. Cheeze Turon
3. JAPANESE Sweet Corn Snacks
4. STRAWBERRY ISLAND Strawberry & Milk Flavor
Ginapangabay ang publiko nga indi magbakal sang mga nasambut nga mga chichirya bangud posible ini nga maka-apekto sa ikaayong lawas sang mga nagakaon sini.
Ang mga establisyemento nga maga-distribute, advertise kag magabaligya sang amo nga mga ginadilian nga produkto, ang posible magapangatubang sang kaso may angot sa Republic Act No. 9711 ukon “Food and Drugs Administration Act of 2009”. Ginahingyo naman sang FDA ang tanan nga Law Enforcement Agencies (LEAs) kag Local Government Units nga ipasiguro nga indi magin available kag mabaligya sa merkado kag areas of jurisdiction ang nasambit nga mga produkto.*
