Tuesday, July 16, 2024

TATLO KA LALAKI GINPANG LABU-LABU SA CIUDAD SANG SIPALAY; DUWA PATAY, ISA PILASON!

- Advertisement -

Duwa patay samtang pilason ang isa ka lalaki matapos sila ginpang labu-labu sa Sitio Buyog, Barangay Nabulao, ciudad sang Sipalay alas 8:40 sang gab-e, Mayo 25,2021.

Ginkilala ang mga biktima nga sanday Precy Lugay, 36 anyos, may asawa; Rudy Gabonada, 64 anyos, may asawa kag Robert Gabonada y Villarin, 34 anyos, may asawa.

Ang suspek ang ginkilala kay Douglas Gaboya, 55 anyos, kasado kag residente man sang nasambit nga lugar.

- Advertisement -

Base sa impormasyon sang kapulisan, si Percy Lugay ang nagalantaw sang telebisyon sa iya balay sang nagsulod ang suspek nga may dala sang bolo kag wala sang pang duwa-duwa iya ginlabo si Percy sa li-og kag abaga.

Matapos sini, nagpadulong man ang suspek sa puluy-an ni Rudy Gabonada kag ginbuno si Robert Gabonada sa dughan.

Pila lang ka minuto, iya man ginbuno si Rudy Gabonada sa wala nga bahin sang nawong kag likod.

Gilayon naman nga nagpalagyo ang suspek dala ang bolo.

Sanday Percy Lugay kag Robert Gabonada ang gindeklarar dead on arrival samtang padayon naman nga ginabulong si Rudy Gabonada.

Sa karon, padayon naman ang imbestigasyon sang kapulisan angot sa nagluntad nga insidente.

- Advertisement -
Coolen Cubia
Coolen Cubia
A newscaster and news writer in one of the Local Radio FM Stations in Negros Occidental. Graduated in University of Negros Occidental-Recoletos Bachelor of Science in Mass Communication.

Related Articles

Leave a Reply

Stay Connected

33,995FansLike
9FollowersFollow
0SubscribersSubscribe
- Advertisement -

Latest Articles