Tatlo Ka Mag-Utod sa Benguet, Patay Matapos Malubong sang Buhi sa Landslide

Patay ang tatlo ka mga-ululutod, nga nagapanyapon pa, matapos matabunan ang ila balay sang natiphag nga duta bangud sang landslide sa La Trinidad, Benguet, Lunes sang gab-i, Oktuber 11.

Nalakip sa nagtaliwan amo ang walo ka tuig nga bata nga amo ang kamagulangan, kag ang iya mga manghod nga babayi nga naga-edad anum kag duha ka tuig.

Nakaluwas naman ang ginikanan sang mga biktima.

Ang brownout kag kakulangan sang signal ang pila sa mga nangin kabudlayan sang mga rescuers halin sa Municipal Disaster Risk Reduction and Management.

Masobra sa isa ka oras ang ginhimo nga rescue operation antes nakuha ang mga biktima.

Gindala pa ini sila sa ospital apang gin-deklarar nga dead on arrival.*