Tuesday, October 4, 2022

Tatlo na ang patay sa misteryoso nga balatian sa Argentina

- Advertisement -
Three persons died in a ‘mysterious’ disease in Argentina.*//photo courtesy of Le Monde

Wala pa mahibaluan kon anu nga sahi okon “type” sang pneumonia ang gintunaan sang kamatayon sang tatlo ka mga persona sa pungsod Argentina.

Suno sa mga health authorities, isa ini ka misteryoso nga “respiratory illness”.

Natukiban ang balatian sa isa ka pribado nga clinic sa Tucuman province sa nasambit nga pungsod.

- Advertisement -

Magluwas sa pasyente, may walo na ka mga medical staff nga nagpositibo man sa balatian.

Ginkumpirmar ni Tucuman health minister Luis Medina Ruiz, nga duha na sa mga medical personnels sang clinic ang nagkalamatay kag isa ka pasyente.

Nagpatigayon na sang test ang mga eksperto angut sa balatian, sa diin nakumpirmar nga indi ini COVID-19, flu, influenza types A kag B, legionella bacterial disease okon hantavirus.

Ginpadala na sa Malbran Institute sa Buenos Aires ang mga samples, para sa dugang pa gid nga mga pagtuon.

Kalakip sa mga sintoma sang misteryoso nga sahi sang pneumonia amo ang mataas nga hilanat, pagpalanuka, diarrhea kag pagpalanakit sang kalawasan.

Sa karon, may anum ka mga pasyente nga ginapaidalum sa treatment sa ospital bangud sang misteryoso nga balatian kag apat sa ila ang yara sa kritikal nga kondisyon samtang ang duha nagapaidalum sa “home isolation”.

Ginkumpirmar sang mga health authorities nga wala pa sang kaso sang misteryoso nga balatian sagwa sang pribado nga clinic, sa diin una ini nga natukiban.

Ginpalayag man sang mga health authorities nga may kaanggid ini sa COVID 19.

- Advertisement -
ViaGMA
Sunshine Lacson
Sunshine Lacson
Former correspondent of DZRH network news. Editor and newswriter of Aksyon Radyo Bacolod. Anchorwoman of This is my life program of Aksyon Radyo Bacolod. Newscaster of Aksyon Radyo Bacolod. Currently the anchorwoman of It's Your Time to Shine at Radyo Bandera Sweet FM Bacolod.

Related Articles

Leave a Reply

Stay Connected

- Advertisement -

Latest Articles