Nadakpan pinaagi sa pagserbe sang warrant of arrest ang Top 1 most wanted person sang Pontevedra sa ginpatigayon nga operasyon sang Police Regional Office 6 sa pagpanguna ni Police Brigadier General Rolando Miranda kag katapo sang Pontevedra Police Station sa Negros Occidental kag Tanza Cavite Police Station sa Barangay Punta Carissa Homes, Tanza, Cavite sadtong Mayo 9.
Ginkilala ang akusado nga si Rodje Sejo Y Pahamtang, 26 anyos, single kag residente sang Purok 4A, Barangay Recreo, Pontevedra.
Si Judge Mila Yap-Camiso of Regional Trial Court, Branch 63, La Carlota City, Negros Occidental ang nagmandu sa pag-aresto kay Sejo sa kaso nga Rape nga ginpetsahan Oktobre 11,2019.
Suno sa mga otoridad, gina-alegar ang akusado ang naghimulos sa iya sister-in-law sa Pontevedra kag nagpalagyo sa Cavite matapos ang insidente agud makapanago sa mga otoridad.
Naka-detained sa karon ang akusado sa Tanza Cavite Police Station antes i-turnover sa korte.
