Nadakpan na ang number 1 most wanted nga persona sa Western Visayas.
Ginkilala ang akusado kay Roland Castañeda, alyas “Lotlot”, 40-anyos, kag isa ka seaweed planter.
Gindakup si Castañeda sa Sitio Magtang, Barangay Harigue sa Caluya, Antique, sang Setyembre 9.
May pending nga warrant of arrest si Castañeda sa kaso nga two counts of rape.
Gin-isyu ni Judge Josefina Fulo Muego, sang Culasi, Antique Regional Trial Court, ang arrest warrant ni Castañeda sadtong Agosto 25, 2022.
Wala sang bailbond nga ginarekomendar para sa temporaryo nga kahilwayan ni Castañeda.
Isa ka joint operation ang pagkadakup ni Castañeda sang Caluya Municipal Police Station (Caluya MPS), Antique Police Provincial Office – Intelligence Unit, Regional Intelligence Division 6, Regional Intelligence Unit 6 kag Maritime Police – Antique.
Nakahunong karon sa Caluya Police Station si Castañeda.
Sa una nga anum ka bulan sa sini nga tuig, naka-aresto na ang Police Regional Office-6 sang sumatotal 4,242 ka mga wanted nga persona sa bilog nga Western Visayas.
Sa mga ini, 680 ang ginakabig most wanted.*
