Gindakup sang mga kapulisan ang ginakabig top 5 drug personality kag tatlo ka iban pa sa ginpatigayon nga buy-bust operation sa Purok Bino, Barangay Oringao sa ciudad sang Kabankalan, Negros Occidental, takna ala 1:30 sini nga hapon, Mayo 7, 2021.
Ang mga nagkaladakpan amo sanday Jeffrey Cortez, 46-anyos, nga amo ang target sang buy-bust, Joseph Eranes, 53-anyos, Arnel Sarona, 28-anyos kag Rene Gumarang, 39-anyos, sandig sa spot text sang Kabankalan Police Station.
Nakuha sang mga katapo sang Kabankalan Police Station kag Provincial Drug Enforcement Unit ang 19 heat-sealed transparent plastic sachets sang ginasuspetsuhan shabu, P4,803 nga cash, P100 nga marked money, isa ka .38 caliber revolver nga loaded sang apat ka live ammunition kag iban pa nga drug paraphernalia.
Ginabulubanta 35 gramos ang narekober nga iligal nga droga kag ini ang ginabulubanta nagabalor P238,000.*
