Top 5 most wanted sa kaso nga ‘statutory rape’ dakop sa La Castellana

Nadakpan sang kapulisan ang ginakabig nga Top 5 Most Wanted Person sa kaso nga “Statutory Rape” sa La Castellana takna las 9:20 sang aga sini nga Martes, Hunyo 6, 2023.

Ginpatigayon sang kapulisan ang operasyon sa Brgy. Robles, La Castellana, Negros Occidental, nga nagresulta sa pagkadakop sa 80-anyos nga akusado.

Ang warrant of arrest gin-issue ni Hon. Cyclamen Jison Fernandez, presiding judge sang RTC Branch 63, La Carlota City, Negros Occidental.

Wala naman sang ginrekomendar nga pyansa sa akusado nga yara karon sa kustodiya sang La Castellana Municipal Police Station para sa nagakaigo nga disposisyon.*