TAGAYTAY CITY– Nangin madinalag-on ang ginpatigayon nga torch relay sa siudad sang Tagaytay para sa ika-32 nga Southeast Asian Games nga pagahiwaton sa Cambodia.
Humalin kay Cambodia’s Tourism Minister Hor Sarun, ginpasa ang torch kay Cambodian Ambassador to the Philippines Phan Peuv kag ginbaton naman ni Philippine Olympic Committee President Abraham Tolentino.
“We warmly welcome the SEA Games Torch which is now celebrating Cambodia’s first-time hosting of the games. Just like in our SEA Games hosting in 2019, we value this celebration not only for sports but for peace and camaraderie in the region.” suno kay Tolentino.
Nagsugod ang torch relay sa De los Reyes Avenue sa atubang sang Tagaytay City BMX and Skate Park.
Kalakip sa nagpakigbahin amo ang mga atleta, Philippine Paralympic Committee head Mike Barrendo, POC Commissioner Walter Torres kag Team Philippines chef de mission Chito Loyzaga.
Matabo ang SEA Games sa Mayo 5 tubtob 17.
Magapartisipar naman ang 840 ka mga atleta humalin sa pungsod Pilipinas.
Madumduman nga nagsugod ang torch relay sa Cambodia sadtong Marso 22 sa World Heritage Site Angkor Wat sa Siem Reap kag ginpasa sa Vietnam.
Pagkatapos sa pungsod Pilipinas, pagahiwaton naman ini sa Brunei, Timor Leste, Malaysia, Singapore, Thailand, Myanmar kag Laos.
Magabalik naman ang torch sa Cambodia sa Abril 27.*
