NEGROS OCCIDENTAL – Patay ang isa ka traffic enforcer matapos gintiro sang apat ka wala pa makilal-an nga mga suspetsado sakay sang duha ka motorsiklo sa Escalante City National High School, Barangay Alimango sa syudad sang Escalante, Negros Occidental, takna las 6:10 sang gab-i, Miyerkules, Oktubre 5, 2022.
Ginkilala ang biktima kay Reymund Lucero, 46-anyos, residente sang Barangay Balintawak sa Escalante.
Isa ka traffic enforcer sang syudad si Lucero.
Sa inisyal nga impormasyon, magasugat kuntani ang biktima sa iya asawa nga maestra sang nagluntad ang pagpangluthang sa guwa mismo sang gate ka eskwelahan.
Sandig sa report sang kapulisan ka syudad, may apat ka mga nga persona nga sakay sa Kawasaki Bajaj kag Enduro Sport nga mga motorsiklo, nga amo naman ang nagdulog kag ginluthang ang biktima.
Sa karon padayon pa ang imbestigasyon sang Escalante City Police may angut sa insidente.*
