Wednesday, July 24, 2024

TRYCICLE DRIVER NGA GINLUTHANG PATAY SA CIUDAD SANG BAGO POSIBLE NA SAL-AN LANG SUNO SA KAPULISAN

- Advertisement -

Posible nga nasal-an lang ang tricycle driver nga biktima sa pagpangluthang kahapon sang hapon sa Purok Paho, Barangay Ma-ao ciudad sang Bago suno sa kapulisan.

Ang biktima ang ginkilala sa kay Rex Palma, 40 anyos kag residente sa Purok Riverside sang amo man nga barangay kag ginluthang sang iya man mismo pasahero.

Suno sa kay Lieutenant Joseph Jaro, Deputy Chief of Police for Operations sang Bago City PNP nga wala man sang pagpamahog sa kabuhi ang biktima suno sa pamilya kag wala man ini sang kontra kag isa sa ila anggulo ang “mistaken identity”.

- Advertisement -

Nasugilanon man ni Jaro ang pakaisa sang biktima nga isa man ka retired police kag ginsiling sini nga mabuot ang biktima kag wala ini naga engage sa iligal nga bulohaton rason nga isa sa ila anggulo ang “mistaken identity”.

Ginkompirmar man ni Jaro nga wala man sang record si Palma sa police station kag wala man na lakip sa drugs watchlist, apang sa ila imbestigasyon naga guwa nga sang Domingo nga adlaw may yara na sang mga persona nga naga monitor kag naga pulupamangkot natuhoy sa biktima suno sa mga residente sang Barangay Ma-ao.

Planado ang paghimo sang krimen suno pa sa kay Jaro bangud pagpanaog sa trycicle sang wala pa makilal-an nga suspek nga naka yellow jacket, nagpalapit ini sa biktima kag imbis nga magbayad sang plete, gumabot ini sang pusil kag tiniro si Palma sa natuo nga bahin sang iya agtang kag naglapos ang bala sa tangkugo.

Pagkatapos tiro sa biktima, nag angkas ini sa itom nga motorsiklo nga nagahulat na sa unhan kag nagpalagyo sa wala pa mahibaloan nga direksyon.

Ginatingwaan man sang kapulisan nga makakuha sang cctv footage sa nalabyan kag mismo sa crimescene, bangud base sa mga panaysayon sang mga trycicle drivers, wala sang pasahero ang biktima paghalin sa terminal kag posible ginparahan lang ini sang suspek.

Palaligban sa karon sa kapulisan ang pagsolbar sa krimen kag sila ang nagapngabay sa mga nakakita sa krimen nga makig-angut sa ila agud mahatagan sang hustisya ang pamilya sang biktima.

Description: 👍

1

- Advertisement -
Coolen Cubia
Coolen Cubia
A newscaster and news writer in one of the Local Radio FM Stations in Negros Occidental. Graduated in University of Negros Occidental-Recoletos Bachelor of Science in Mass Communication.

Related Articles

Leave a Reply

Stay Connected

33,995FansLike
9FollowersFollow
0SubscribersSubscribe
- Advertisement -

Latest Articles