CEBU – Naga kabalaka ang pila ka mga residente sang nangin duag gatas nga tubig sang suba sa Barangay Don Gregorio Antigua sa banwa sang Borbon, syudad sang Cebu sang Domingo, Agosto 21.
Suno kay Gitoy Ornopia, kapitan sang barangay, gilayon nila gin patigayon ang imbestigasyon agud mahibaluan ang rason sang pagbag-o sang Goyong river.
Sa inisyal nga imbestigasyon, nahibaluan nga may isa ka residente ang naghugas sang isa ka madako nga ‘water-based flexi bag’ sa suba.
Ini ang madako nga inflatable plastic bag nga may unod nga pulbos rason nga nagduag gatas ang suba.
Ginpadala naman ang water sample sa lokal nga gobyerno kag ipaidalom ini sa ‘test’ agud masiguro nga wala sang makamamatay nga kemikal ang nalakip sa tubig.
Gin-abisuhan sang barangay ang mga residente nga indi anay pag gamiton ang tubig sa suba.
