POLAND – Natukiban sang mga archealogist ang tul-an sang gina-alegar bampira samtang nagapatigayon sang ‘excavation’ para sa research sa isa ka patyo sa pungsod Poland.
Sa report sang Daily Mail, nadiskubrihan ang isa ka karit nga nagasalop sa liog sang ginapatihan “lady vampire.”
Suno sa mga eksperto, ini ang pamaagi sa paglubong sa mga bampira ukon ginatawag nga ‘anti-vampire burial’, kun diin ginabutang ang karit sa liog sang bampira agud mautod ang ulo sini sa tion nga magbangon ini halin sa iya nga lulubngan.
“Ways to protect against the return of the dead include cutting off the head or legs, placing the deceased face down to bite into the ground, burning them, and smashing them with a stone.” suno kay Dariusz Poliński, propesor kag team leader sang excavation team.
