Tumalagsahon nga Kapid nga Giraffe Nabun-ag sa National Park sa Kenya

NAIROBI, KENYA – Nabun-ag ang tumalagsahon nga kapid nga Maasai giraffe sa National park sa Nairobi, Kenya sang Martes, Hulyo 19, 2022.

Nalakip naman ang giraffe nga ginkilala bilang pinakamataas nga sapat sa bug-os nga kalibutan sa International Union for Conservation of Nature’s 2016 Red List nga “vulnerable to extinction” ukon malapit na maubos sa wildlife.

Suno sa Giraffe Conservation Foundation, yara naman sa 117,00 ang nabilin nga populasyon sang giraffe sa bug-os nga kalibutan.

Ginkabig naman nga “silent extinction” ang giraffe bangud nagdangat sa 30 porsyento ang populasyon sini sa sulod sang 30 ka tuig.

Makita lamang sa Kenya ang tatlo ka subspecies sang giraffe nga Maasai, reticulated kag Rothschild.