Ginpabugal sang Philippine Space Agency ang estudyante sang Unibersidad sang Pilipinas-Los Baños nga nakahatag sang dungog sa Pilipinas matapos mapili-an ang iya eksperimento sa isa ka kompetisyon nga gin-organisar sang International Space Station.
Nakuha ni William Kevin Abran, incoming third-year physics student sang UP Los Baños, ang mangin Finalist sa Asian Try Zero-G 2022 competition sang ISS.
Ini bangud sa iya eksperimento nga gintiguluhan ‘Rotation of Dumbbell-shaped objects in Space’.
Sa 201 nga experimental proposal, kalakip ang iya “research” sa 6 nga mga napili-an nga proposal, nga ginpatigayon ni Engineer Koichi Wakata kag sang mga astronaut sang Japan Aerospace Exploration Agency ukon JAXA.
Ang nasambit nga eskperimento ang magatalakay sa long-term stability sang mga dumbell-shaped object sa microgavity, nga may duwa ka main moments sang inertia.
Talakayon man ang Dzhanibekov Effect sa mga nasambit nga dumbbell-shaped objects.
