Tuesday, December 6, 2022

Utod sang lalaki nga nagsumbag sa Brgy. Tanod sa syudad sang Bago, ginklaro nga wala ginbantayan sang iya utod ang biktima sa bangga agud nga tapungulon

- Advertisement -

Ginpaathag ni “alyas Mae,” ang utod sang lalaki nga nagsumbag sa Brgy. Tanod sang tinalikdan nga adlaw nga wala ginbantayan sang iya utod ang biktima agud nga tapungulon ini sa Brgy. Malingin, syudad sang Bago.

Suno kay Mae, antis pa man matapungulan ang biktima, may nakapanugid sa iya utod nga ang bata sini nga 22-anyos ang ginpulihan kastigo sang pila ka mga solterito kag ginpugos pa sang nasambit nga tanod ang iya bata rason kun ngaa nakastiguhan pa gid ini.

Bangud diri, nangakig ang iya utod sa ginhimo sang Brgy. Tanod.

- Advertisement -

Takna las-tres sang kaagahon kagapon, nagasakay si Mae kaupod ang iban pa nga mga himata sang mga nagrambol sa tricycle nga ginamaneho mismo sang tanod padulong sa Bago City Police Station agud pormal nga magreklamo.

Nagdulog ang tricycle sa puluy-an nila ni Mae bangud nanaog ang iya pakaisa kag wala nila natalupangdan nga nagguha ang iya utod kag nakilal-an ang tanod kag gintapungol ya ini sa nawong.

Gilayon man ini nga ginpunggan sang ila mga himata kag ginpapalayo sa biktima.

Dugang pa ni Mae, ila man gina-ako nga sala ang ginhimo sang ila nga utod apang ila lang ginapangabay nga insaktuhon sang tanod ang iya nga statement.

Yara mismo si Mae sang nagluntad ang insidente kag nakahibalo siya sang matood nga istorya.

Iya man ginapangabay ang publiko nga maghalong sa ila mga ginabuy-an nga tinaga ilabi na kun wala sila sang ihibalo sa matood nga natabo.

Nagapasalamat man ang ila pamilya sa Radyo Bandera sa kahigayunan nga maplastar ang bahin sang ila nga istorya.*

- Advertisement -

Related Articles

Leave a Reply

Stay Connected

- Advertisement -

Latest Articles