Nangin matawhay ang ginpatigayon nga vaccination roll-out sang Barangay Pahanocoy bangud sa ginimplementar sini nga batch-by-batch kada purok nga natalana nga magpabakuna.
Suno kay Barangay Kagawan Glen Burgos, in-charge sa vaccination sa nasambit nga Barangay, antes paman ang adlaw sang pagpangbakuna, ginpangbalay‐balay na sang mga Barangay Health Worker (BHW) ang kada purok agud malikawan ang walk-ins.
Suno pa diri, naga kuha sila sang 30 tubtob 40 ka vaccinees kada purok kag ginaschedule sang mga ini nga matapos sa sulod sang 30 minutos.
Nahibaluan nga 700 ang target nga mabakunahan subong nga adlaw nga nagikan sa 25 ka purok sang nasambit nga barangay.