Kung magtaas ang vaccination turnout sang Resbakuna sa Botika sa madasun nga mga inadlaw sa syudad sang Bacolod, plano sang Emergency Operations Center Bacolod nga magdugang pa sang mga pharmacies nga pagahimuon nga vaccination sites para sa booster shot sang COVID-19 vaccine.
Apang maga-depende sa kadamuon sang mga nagapabakuna sa Mercury Drugstore sa Ayala Malls Capitol Central nga ila sini mangin basehan sang pagbukas pa sang iban nga vaccination sites sa mga botika suno kay Doctor Edwin Miraflor, officer-in-charge sang Bacolod City Health Office.
Ginpahayag man sini nga ang Watsons ang isa sa nagpahayag sang interest nga luyag man mag partisipar sa nasambit nga vaccination drive.
Sa karon bukas ang Resbakuna sa Botika sa Mercury Drugstore Ayala Branch kung sa diin mahimo nga magpabakuna sang 3rd dose sang COVID-19 vaccine ang luyag magpa booster shot.*
by Aileen Pedreso
