Apat ka mga COVID-19 vaccine manufacturers ang nag-apply para sa amendments sang ila tagsa ka mga emergency use authorization (EUA) nga magalakip sa third dose ukon booster shot, suno kay Food and Drug Administration (FDA) director general Eric Domingo.
Nakabaton ang FDA sang aplikasyon para sa Pfizer, AstraZeneca, Sinovac kag Sputnik V vaccines.
Suno kay Domingo, ginatun-an pa sa karon sang Department of Health ang posible nga mix and match sang mga bakuna.
Matandaan nga gin-aprubahan ni Health Secretary Francisco Duque III ang rekomendasyon sang Health Technology Assessment Council (HTAC) agud mahatagan sang booster shots kag dugang nga bakuna ang mga priority groups.
Dugang pa ni Domingo, indi tanan nga indibidwal ang magakinahanglan sang COVID-19 booster shots.
