Ginkumpirmar sang Bureau of Animal Industry (BAI) nga 100% ang ginpatigayon nga field trial sang bakuna batuk sa African Swine Fever ukon ASF sa tunga sang padayon nga pag-atake sang masakit sa mga baboy sa Pilipinas.
Base sa report sang Philippine Star, ang AVAC ASF live vaccine trial ang ginhimo sa anom ka hog farms sa Luzon nga ASF free agud mahibaluan kun epektibo ang bakuna.
Suno sa BAI, yara sa 21 ka adlaw ang trial period kag nagguwa nga 100% sang mga ginbakunahan nga baboy ang nagka-antibodies batuk sa ASF nga magaserbe nga proteksyon batuk sa nasambit nga masakit.
Ginalauman nga madako ang mabulig sini sa kampanya sang gobyerno para makontrol ang ASF sa pungsod kag malikawan nga mapierde ang mga hog raisers.
Target sang BAI nga mag-import sang halos 600,000 doses sang ASF vaccines subong nga tuig kun ma-aprubahan sang Food and Drug Administration ang Certificate of Product Registration sang nasambit nga bakuna.*
