Bilang pagsunod sa Resolution no. 130-A nga ginapggwa sang Inter-Agency Task Force IATF for the Management Emerging Infectious Diseases nga ginpapanaog sadtong Hulyo 29, 2021 agud malikawan ang paglapta sang COVID-19 nagpapanaog sang Memorandum ang Land Transportation Office (LTO) nga pagahatagan sang duha ka bulan nga extension ang validity sang registration sang mga motor vehicles nga ang plate number nagatapos sang 8 kag 9.
Buot silingon lamang sini nga ang mga plaka nga magaexpire sa bulan sang Agosto ang pagahatagan sang tubtob Oktubre 31, 2021 samtang ang maga expire naman sa bulan sang Setyembre ang pagahatagan naman sang tubtob sa Nobyembre 31, 2021.
Ang Student Permits, Driver’s License kag Conductor’s Licenses lakip na ang medical certificates nga talana nga maga-expire subong nga quarantine period tubtob Setyembre 30 ang ginahatagan naman sang extension tubtob Nobyembre 30, 2021.
Sa interview sang Radyo Bandera kay John Christian Pestaño General Manager sang Cimatech Enterprises (MVIC BACOLOD) ini nga direktiba sang LTO ang dako nga mabulig sa mga nagapanag-iya sang salakyan nga mahatagan sang nagakaigo nga tion agud nga mapreparar sa pagparehistro sang ila mga salakyan.
Dugang pa ni Pestaño nga wala na sang rason nga indi makaparehistro ang mga motor vehicle owners bangud sa kalawig sang tion nga ginahatag sa ila.
Sa pihak nga bahin, bukas ang Cimatech sa isa ka pagsinapol sa tunga sang mga transport group agud masanagan ang tanan kabahin sa bag-o nga implementasyon sang Private Motor Vehicle Inspection Center ukon PMVIC. * |via Kabanderang Randy Coronel
