Gikan sa National Bureau of Investigation ukon NBI, ginbalhin na sa Taguig City Jail, Lunes nga adlaw, Nobyembre 21 ang detenado nga tv host comedian nga si Ferdinand “Vhong” Navarro.
Ginmandu sang Taguig Regional Trial Court Branch 69 ang pagbalhin sang akusado nga comedian nga may kaso nga paghimulos.
Ginpasaka ang nasambit nga kaso sang modelo nga si Deniece Cornejo.
Sang tinalikdan nga Nobyembre 14, nabaton sang NBI ang commitment order nga gin isyu sang korte.
Magatiner sa Taguig City Jail Male Dormitory si Navarro.
Base sa record, may yara sang 993 ka mga priso nga nagatiner sa Taguig Jail facility nga ginadumala sang Bureau of Jail Management and Penology (BJMP) sa Camp Bagong Diwa, Taguig.
Sang tinalikdan nga Setyembre 19, nag isyu sang “non bailable” nga warrant of arrest ang korte sa Taguig batuk kay Navarro sa kaso nga paghimulos.
Nag surrender si Navarro sa NBI sa Quezon City, sa sini man nga adlaw.
Magluwas sa rape case, una na nga ginpasaka ni Cornejo ang kaso nga acts of lasciviousness sa diin nakapiyansa si Navarro sang P36,000 sa Taguig Metropolitan Trial Court Branch 116.*
