VOTER REGISTRATION MAGAPADAYON BWAS NGA ADLAW, OKTUBRE 11

Matapos mangin masako sa pag-akomodar sang filing sanng certificate of candidacy (coc), balik-voter registration naman ang Commission on Election (Comelec) sumugod bwas nga adlaw, Lunes Oktubre 11 tubtob 30.

Matandaan nga ginpalawig ang voter registration bangud sa mga panawagan sang publiko.

Pahayag ni Comelec Spokesperson James Jimenez, tanan nga aktibidad sa regular registration ang mahimo man sa extension kaangay sang pagparehistro sang mga first-time voter, pagpa-reactivate sa mga wala na nakaboto sa nakaligad nga duha ka eleksyon, magpa-transfer kag magpa-correct kag magpailis sang pangalan.