Sunday, December 4, 2022

Wala sang pormal nga reklamo sa Barangay angut sa pagpinalupok sang mga jail officers sang NODJ suno kay Kap. Abdon

- Advertisement -
Barangay Tabunan captain Henry Abdon.*

BACOLOD CITY – Sa interview sang Radyo Bandera kay Punong Barangay Henry Abdon sang Barangay Tabunan siyudad sang Bago, Negros Occidental, iya ginpahayag nga wala siya sang may nabaton nga pormal nga reklamo halin sa pumuluyo angut sa gina-alegar pagpinalupok sang mga Jail Guard sang Negros Occidental District Jail- Male Dormitory kag naglapaw sa mga pamalay malapit sang ila pasilidad.

Suno kay Kap. Abdon, wala man sang may nagkadto sa ila talatapan agud ipa-record kun may ara guid man nga kasubong sini nga insidente.

Nahibaloan nga naglapta sa social media kag sa iban nga mga news agency ang laragway sang slugs sang wala makilal-an nga sahi sang armas-luthang nga nakuha sa atop sang isa ka pumuluyo nga gina-alegar halin sa mga nagpinalupok nga mga jail guards.

- Advertisement -

May video pa nga gin-post sa social media nga kuha sang isa ka residente malapit sa pasilidad sang NODJ-MD kun sa diin mabatian ang paglukpanay.

Ginpahayag pa ni Abdon nga nagpadulong man sa iya balay kagina sang aga ang assistant warden sang nasambit nga jail facility agud mang-usisa kun may nagpalab-ot sang reklamo sa barangay.

Suno kay Abdon sa iya man pagpamangkot sa assistant warden, iya ginpahayag nga imposible nga mag lapaw ang bala sang ila pusil sa tion nga magapatigayon sila sang Target Shooting bangud mataas ang pader sang pasilidad.

Ginatinguhaan pa nga kuhaan sang reaksyon sang Radyo Bandera ang pamunoan sang NODJ angut sa nasambit nga alegasyon.*

- Advertisement -

Related Articles

Leave a Reply

Stay Connected

- Advertisement -

Latest Articles