NEGROS OCCIDENTAL– Arestado ang ginakabig nga wanted person kaina sang hapon, Pebrero 6 sa Barangay 6, Isabela, Negros Occidental.
Gin-aresto ang suspek matapos ginpasakaan sang warrant of arrest ni Hon. Cyclamen Jison Fernandez, presiding judge sang RTC branch 63 sang La Carlota City sadtong Marso 31, 2016.
Ginkilala ini kay Vivencio Berio Jr., 35-anyos kag residente sang Barangay Mansablay sa kapareho nga banwa.
Wala naman sang piyansa nga gin-rekomendar ang korte.
Nakahunong si Berio sa Isabela Municipal Police Station kag magapangatubang sa kaso nga murder.*