NEW YORK, USA – Ginpamatbatan sang lima ka tuig nga pagkapriso ang isa ka lalaki sa New York, USA sang Huwebes, Agosto 18 matapos ini magbaligya sang mga ivory kag sungay sang mga elepante kag rhinoceros nga ginakabig nga “endangered”.
Ginkilala ang suspek kay Moazu Kromah, 49-anyos nga residente sang Uganda, kag may yara sang kaso nga tatlo ka counts sang wildlife trafficking, suno kay Damian Williams, US attorney sa Southern District sang New York.
Ginasiling nga gin-utod ni Kromah ang mga sungay sang 32 ka rhinoceros kag mga sungo sang kapin 100 ka elepante.
Nagbaligya si Kromah sa US kag Southeast Asia sang 190 kilo sang sungay sang rhinoceros kag 10 ka tonelada sang sungo sang elepante nga halin sa East Africa sadtong tuig 2012 tubtob 2019.
Suno sa mga imbestigador, gintago man ni Kromah ang iban pa nga mga parte sang nasambit nga kasapatan agud pagahimuon nga maskara kag estatwa.
