BACOLOD CITY– Ginkilala sang Guinness World Records bilang world’s oldest living cat si Flossie sang United Kingdom.
Si Flossie ang naga-selebrar sang ika-27 nga kaadlawan katumbas sa edad sang taho nga 120-anyos kag may kolor nga brown kag itom.
Apisar nga indi na klaro ang panulukan ni Flossie kag bungol pa ini, yara sa maayo nga panglawason ang kuring.
“I knew from the start that Flossie was a special cat, but I didn’t imagine I’d share my home with a world record holder,” suno kay Vicki Green, tag-iya sang kuring.
Dugang pa ni Green, mapinalanggaon kag permi nagahampang si Flossie.
Una nga gin-adopt si Flossie sadtong Disyembre 1995 apang sang napatay ang nagasagod sa iya, nagbalik ini bilang layaw nga kuring.
Sa edad nga 24-anyos, nangin amo na ni Flossie si Green tubtob subong nga adlaw sang Biyernes, Nobyembre 25.
Apang ginkilala naman bilang pinakatigulang nga kuring si Creme Puff nga napatay sa edad nga 38-anyos sadtong Agosto 6, 2005.*
