YAYA MILYONARYA INDI PA MAGBIYA SA IYA TRABAHO

Bisan milyonaryo na bangud sa pagpaninguha sa trabaho bilang yaya sa abroad, indi sa gihapon mag-untat si Rosie Vargas Villa sa pagserbe sang iya mga amo sa abroad.

Walo katuig na nga nagatrabaho bilang yaya si Villa sa iya nga amo sa Dubai kag maswerte ini nga ginakabig siya nga miyembro man sang ila pamilya.

Si Villa nga gikan sa Iloilo ang nagabantay sa anak sang iya amo humalin pa sang gamay pa lamang ini.

Suno sa iya, indi yaya ang pagkabig sa iya sang iya mga amo kundi “special auntie”.

May anak man nga nabilin si Villa sa Pilipinas.

Suno sa iya, magapadayon siya sa gihapon nga mag-alagad sa iya mga amo sa Dubai apisar nga milyonaryo na siya.