Gindakop sang mga otoridad ang 53 anyos nga lalaki sa Quezon city, matapos makit-an nga hublas kag nagapatong na sa ibabaw sang lapsag nga babayi, nga naga edad pa lamang sang isa ka tuig.
Suno sa mga otoridad, nagpadulong sa puluy-an sang lapsag ang suspek kag nag “offer” nga siya ang mabantay sa biktima, agud makahampang ang magulang nga lalaki sagwa sang ila puluy-an.
Nagpasugot naman ang magulang nga lalaki, apang sang nagpauli na ini sa ila puluy-an, nasaksihan sang magulang ang pag molestiya sang suspek sa iya manghod.
Gilayon nga ginsugid ini sang magulang sa ila ginikanan, gani gindakop sang mga kapulisan ang 53 anyos nga suspek.
Magapangatubang sang kaso nga paglapas sang Special Protection of Children Against Abuse, Exploitation and Discrimination Act ang suspetsado.
