INDIANA, U.S. – Gindayaw sang mga opisyal sang kapulisan ang 22-anyos nga ‘good samaritan’ nga nagluthang-patay sa 20-anyos nga lalaki nga nagpaniro sa foodcourt sa Greenwood Park Mall sa Indiana, U.S.
Ginkilala sang Greenwood Police Chief Jim Ison ang “good samaritan” nga si Elisjsha Dicken samtang ginkilala naman ang suspek nga si Jonathan Douglas Sapirman.
Armado sang armas-luthang si Dicken samtang armado naman si Sapirman sang rifle kag hand gun nga may yara sang 100 ka bala.
Ginsiling ni Ison nga sa kadumuon sang bala ni Sapirman, posible nga mas madamo pa ang mapatay nga indibidwal apang bangud sa pagresponde ni Dicken, nauntat ang pagpaniro sang suspek sa nasambit nga mall.
“He engaged the gunman from quite a distance with a handgun. He is very proficient in that and tactically sound. To our knowledge he has no training and no military background,” suno kay Ison.
