GENERAL MARIANO ALVAREZ, CAVITE– Ginsalbar ang 12 ka mga babayi lakip diri ang 5 ka minors sa gin-alegar sex trafficking sa General Mariano Alvarez, Cavite.
Suno sa isa ka news source, lima sa na-rescue ang lunsay minors nga naga-edad 15 tubtob 17 ka tuig.
Suno naman sa National Bureau Investigation Cybercrime Division, gin-aresto si Rodel Miranda, bugaw sang mga biktima.
Dugang pa sang NBI, ginabaligya ni Miranda ang mga litrato sang mga biktima nga naga-uba.
Wala naman ginpanginwala sang suspek ang alegasyon batok sa iya.
Pahayag pa sang NBI may mga otoridad pa gid nga yara sa likod sang krimen.
Magapangatubang ang suspek sa kaso nga paglapas sa Anti-Trafficking in Persons Act of 2003.
Yara karon sa kustodiya sang Department of Social Welfare and Developement ang 12 ka mga kababainhan.*
