BACOLOD CITY – May natalana nga power interruption ang National Grid Corporation of the Philippines nga maga-apekto sa pila ka lugar nga sakop sang Negros Occidental Electric Cooperative sa Domingo, Oktubre 2, 2022.
Magalawig ang brownout sang 12 ka oras sumugod las 6 sang aga tubtob las 6 sang gab-i.
Apektado ang bilog nga Binalbagan; Isabela; Moises Padilla; La Castellana; Hinigaran magluwas sa Barangay Miranda, Camba-og, Anahaw, Tuguis, Baga-as, kag bahin sang Gargato; Brgy. Sara-et, Aguisan, Nabalian, Cabanbanan, Libacao, Cabadiangan, Carabalan, kag portion sang Talaban sa Himamaylan; Brgy. Haguimit, Yubo, kag portion sang La Granja sa La Carlota kag Brgy. Zamora kag Mabini sa Pontevedra.
Iga-shutdown ang Kabankalan- Binalbagan- La Castellana 69kV Transmission Line bangud sa pagahimuon nga Preventive Maintenance sang NGCP.
“Ang NGCP kag NOCECO nagapangabay sa tanan nga miembro-konsumidor-tag-iya sa nahinambitan nga mga lugar sa pagpangaman,” suno advisory sang NOCECO.*
