Indi magnubo sa 12 ka indibidwal ang napatay samtang 140 naman ang pilason sa paglupok sang gas pipeline sa isa ka residential compound sa Shiyan City, Hubei Province sa China.
Nahibaluan nga naghalin ang paglupok sa isa ka two-story building sang isa ka vehicle frame manufacturer.
Ang pinakauna nga nabiktima sang paglupok amo ang nagabaligya kag nagabakal sang mga utanon sa isa ka merkado.
Yara sa 900 ka residente ang ginbakwit samtang 2,000 rescue workers ang ginpalapta sa lugar para salbaron ang mga indibidwal nga ginapatihan natabunan sang mga debris.
Samtang, madamo naman sang volunteers ang nagpila sa guwa sang mga blood banks matapos nga nagpanawagan sang donasyon sang dugo ang mga lokal nga hospital.
Nagluntad ang paglupok, isa ka adlaw matapos lang ang nagluntad man nga toxic methyl formate leak sa Guiyang City nga ginkamatay sang walo ka indibidwal kag tatlo ang napilasan.
