Hugot nga ginabantayan sa karon ang Bulkan Kanlaon matapos ang hinali nga pagdamo sang “volcanic earthquakes” santo sa pahayag sang mga state volcanologists.
Nagdangat na ini sa 136 sa nakaligad nga 24-oras kag narekord sa Western flanks.
Ginpahayag sang Philippine Seismic Network, apat sa mga linog nga tay-og kaina sang kaagahon ang nabatyagan sa kabaskugon nga intensity II (Weak) tubtob intensity V (Strong) sa La Carlota kag Bago City sa probinsya sang Negros Occidental kag Canlaon City sa probinsya sang Negros Oriental.
“Activity at the vent consisted of moderate emission of white steam-laden plumes that rose 200 meters before drifting southwest,” pahayag sang Phivolcs.
“Sulfur dioxide (SO2) emission was measured at an average of 438 tonnes/day on 13 June 2020.”
Enero 2020 pa sang umpisa nga naggamay ang slope sini apang liwat naman nga nagbuho ang mid slopes sini tinalikdan nga bulan sang Abril 2020.
“These parameters indicate that hydrothermal or magmatic activity is occurring beneath the edifice” dugang pa sang Phivolcs.
Nagapabilin naman sa Alert Level 1 ang bulkan Kanlaon kag nagakahulugan lamang nga “abnormal” ang kondisyon sini umpisa nga mag-alburoto.
Lubos naman nga ginadili ang pagsulod sa 4-kilometer radius permanent danger zone sang Kanlaon bangud sa posibilidda sang hinali sini nga pagbuga sang peligroso nga singaw kag “phreatic eruptions.”
Ginapalikaw man ang civil aviation authorities sa paglupad malapit sa baba sang bulkan bangud mahimo man nga makahalit ang hinali nga paglupok sini.
