May yara sang 213 nga care workers kag 18 nga nurses ang gindeploy sa Japan sadtong Hulyo 13 tubtob Hulyo 15 para sa ila nga trabaho sa ospital kag caregiving institutions, suno sa Japanese Embassy in the Philippines.
Ini ang ika-14 nga batch sang mga Pilipino nga nurse kag certified nga care worker candidate nga yara sa idalum sang Japan-Philippines Economic Partnership Agreement (JPEPA).
Ginbaton sila sa ila trabaho sa Japan pinaagi sa government-to-government arrangement nga gin-implementar sang Philippine Overseas Employment Administration (POEA) kag Japan International Corporation of Welfare Services (JICWELS).
Ginpaidalum ang mga aplikante sa anom ka bulan sa “Japanese language training” sa Pilipinas apang makuha sila liwat sang anom ka bulan para sa dugang nga training sa lenggwahe nga japanese sa Japan.
Libre naman ang duha ka training programs sang mga aplikante, kalakip na diri ang gastos nila sa kada-adlaw sang sang ila training.
Humalin 2009, may totalidad nga 3,378 nga mga Filipino nurses kag certified care worker ang nabaton kag nakatrabaho na sa Japan sa idalum sang nasambit nga programa.
Igabutang naman sang Japanes Embassy ang iban pa nga detalye sang masunod nga recruitment sa ila nga POEA’s ukon Department of Migrant Worker’s website kun masugod na liwat ang tuig nga pwede na sila magbaton sang mga aplikante.
