NEGROS OCCIDENTAL– Nangin madinalag-on ang ginpatigayon nga 22nd Kisi-Kisi Festival Arena Dance Competition sa banwa sang Ilog, Negros Occidental sini nga adlaw, Marso 25, 2023.
Nalakip sa nagtambong sa selebrasyon amo sanday Negros Occidental Governor Eugenio Jose Lacson, 6th Congressional District Negros Occidental Congresswoman Mercedes Alvarez, 6th District Negros Occidental Board Member Jeffrey Tubola kag Victorias City Mayor Javi Benitez.
Ginpangunahan ang nasambit nga selebrasyon nanday Ilog Mayor John Paul Alvarez, Vice Mayor Genaro Rafael Alvarez kag mga SB members sa banwa sang Ilog.
Ginkilala bilang kampeon ang Barangay Andulauan kag Delicioso nga nakabaton man sang Best in Choreography kag Best in Costume, first runner-up naman ang Barangay Canlamay, Balicotoc kag Pinggot apang second runner-up ang Barangay 1 Poblacion.
Samtang nakabaton naman sang Best in Headress ang Barangay 2 kag Manalad kag ginkilala bilang kampeon sa Mardi Gras sa Kalye sadtong Marso 23.
Nakabaton sang P40,000 ang nangin kampeon, P30,000 kag P20,000 sa first kag second runners-up samtang tig-P5,000 naman ang tatlo ka minor awards.*
