- Advertisement -
Puno sang mga patal nga pilas sa nawong, li-og, ulo kag na utod pa ang tudlo sa kamot sang isa ka 25-anyos nga babaye matapos ini ginbuno-buno sang wala pa makilal-an nga suspek sa Brgy. Silab, Negros Oriental Lunes sang gab-i, Enero 10,2023.
Ang biktima ginkilala kay Suet Rubio Barete, may bana, may duha ka anak kag residente sang Sitio Kang-atid, Brgy. Silab, Amlan, Negros Oriental.
Sandig sa report sang Amlan PNP, pauli na kuntani ang biktima sa ila puluy-an matapos ini nangumpra apang wala na ini nakalab-ot sa ila nga balay.
- Advertisement -
Dead on the spot ang biktima sa naangkon nga mga patal nga pilas sa lawas.
Padayon pa ang imbestigasyon sang kapulisan kung sin-o ang suspek kag kong ano ang motibo sang nasambit nga krimen.
